Струмица докажа дека заслужува сениорска кошарка, со победа над Куманово ја стартуваше Втората лига

829

Екипата на Струмица со победа го започна второлигашкиот кошаркарски шампионат и докажа дека овој град заслужува да има тим во сениорска конкуренција. Во салата на СОУ ,, Никола Карев’’ кошаркарите на тренерскиот тандем Златко Зетов, Атанас Цикарски и Перо Настев славеа против тимот на Куманово со 67:63 (14:19, 21:16, 17:16. 15:12) и со победа го започнаа второлигашкото натпреварување.

Екипата на Струмица составена главно со млади струмички кошаркари, мечот го започнаа грчевито и дозволија кумановци да го диктираат резултатот. Слично беше и во вториот период кога Куманово контуинирано водеше а домаќините со тројка на Николов во последната секунда израмнија на 35:35.

Во второто полувреме тимот од Струмица кој е најмлад во Втората лиго со просек од 18,3 години ја зацврстија играта во одбраната и го принудија гостинот да нема ефикасна реализација. Сето тоа им даде дополнителна мотивација  и од егал резултат во последниот период, во завршницата направија пресврт за конечни 67:63 кога Макенаџиев беше прецизен од линијата за слободни фрлања

Драган Абрашев и Блаже Димитриев со по 16 поени беа најефикасни кај домашниот состав, Душан Макенаџиев и Блаже Динев уфрлија по 13 поени  на мечот против Куманово а во листата на стрелци се запишаа Тодор Божинов со 6 и Божидар Николов со 3 поени. Следното коло кошаркарите на Струмица играат во Велес против Борец за каде најавуваат нова борбена игра бидејки спроед нив, некогаш шампионскиот кошаркарски град Струмица заслужува да има сениорска кошарка како за публиката така и за младите кошаркари од ова општина

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.