По синоќешниот пожар во регионалната ТВ ВИС од Струмица, денеска со апел за помош на колегите се јавија Самостојниот синдикат на новинари и медиумски работници, Здружението на новинари и Советот за етика во медиумите во Македонија.
Тие апелираат до локалната самоуправа, државните институции, стопанските субјекти и до поединци да помогнат за што побрзо враќање на телевизијата во етерот
„Локалните и регионалните медиуми во Македонија имаат посебно значење, бидејќи тие обработуваат теми од локален карактер кои се од јавен интерес . Без овие локални медиуми граѓаните остануваат лишени од важни информации кои се значајни за нивното секојдневно функционирање .
Во кризни ситуации како оваа во која се наоѓа државата во моментов, важноста на локалните медиуми е уште повеќе изразена“, се вели во заедничкото соопштение на ССНМ, ЗНМ и СЕММ .
Пожар во објект на струмичката касарна, изгоре ТВ Канал Вис (фото)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
