Средношколците Јане Сандански од Струмица го собраа отпадот фрлен кон Цареви кули

401

Триесетина средношколци од ,,Јане Сандански’’ од Струмица го чистеа  патот кон Цареви кули од ѓубре фрлен од рекреативци кои пешачеле. Учениците акцијата ја почнале од излезот над градот кон локалитетот ,,Двата пата’’ и успеале да соберат повеќе стотина килограми разновиден отпад но најмногу  пластика и  стаклени шишиња фрлени од несовесни граѓани. Со ова акција тие се  приклучија на „Еко Фронт – Чиста да ни е“, масовна кампања во организација на Општина Струмица и ЈПКД „Комуналец“ – Струмица, која опфаќа грижа за чиста животна средина.

,, Собравме околу над 30 тина вреќи отпад. Освен стаклена и пластична амбалажа имаше и фрлена покуќнина од скршени столови, фотељи, кревети и тоа покрај патен правец кој го користат не само рекреативци туку и гости кои сакат да го посетат археолошко историскиот локалитет Цареви Кули. Се надеваме дека со нашата  акција ќе ги предизвикаме и останатите но и ќе  ја пробудиме свеста за поздрава животна средина,, ни изјави Атанас Цикарски професор во СОУ ,,Јане Сандански’’ кој се надева дека на исчистените локации ќе бидат поставени едукативни табли за чиста средина

Чистењето на ѓубрето се вклопува и во акцијата што ја спроведува струмички ,,Комуналец’’ со општината  насловена како ,,Еко фронт, чиста да ние ‘’ со која во изминатиот месец беа  исчистени  сите диви депонии во општина Струмица а беа уредени и сите јавни зелени површини по населените места при што се засадени стотина дрвца . Во овој период зачестија и инспекциските контроли при што девет лица заработија казни за фрлање отпад

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.