Со поддршка на Општина Струмица здружението „Вера“ отвори Клуб за деца и младинци со Даунов синдром

642

Преку Програмата за социјална заштита, здружението „Вера“ отвори Клуб за помош и поддршка на децата и младите со Даунов синдром во Струмица. Таму секој работен ден стручни лица ќе работат со овие деца и младинци каде ќе се едуцираат и осамостојуваат како личности а поддршка ќе добиваат и нивните семејства.

„Ова е единствен клуб во Македонија кој е наменет за деца и младинци со Даунов синдром и нивните семјества. Децата овде во клубот ќе бидат свои на своето. Јас како родител веќе 16 години живеам со пријателот Даун и ние сме гласни секогаш кога се работи за нашите деца. Даваме пример дека децата ниту се заразни ниту болни и треба со наша помош, со сечија помош од општеството да си го добијат своето место. Да бидат образовани, социјално еднакви, за да можат да бидат самостојни откако еден ден нас родителите не нема“, рече Анче Туфекчиева, претседателка на здружението „Вера“

Станува збор за пилот проект кој ќе трае 12 месеци. Таму ќе бидат ангажирани  логопед, дефектолог, едукатор кои ќе се грижат за децата. Паралелно поддршка ќе добиваат и семејствата кои имаат деца со даун. Првиот човек на општината Костадин Костадинов кажа дека и догодина се размислува да се обезбедат средства за опстојување на клубот кој се наметна како потреба за инклузија на лицата со даунов синдром

,, Тоа што денеска се случува е потврда дека Струмица ја зајакнува соработката со граѓанските организации и потврда дека Струмица е грижлив град. Како градоначалник сум оптимист дека овој проект кој е пилот и ќе трае 12 месеци ќе добие дополнителни средства од Буџетот на општината за наредната година и убеден сум дека советниците ќе изгласат пари за функционирањето на истиот,, кажа градоначалникот на Струмица Костадинов

Клубот за помош и поддршка на деца и млади со даунов синдром ќе фунцкионира во повеќенаменскиот социјален центар во Струмица кој беше отворедн пред две години во еден од објектие на пораншената касарна. ( В.Т.)

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.