Следната сезона ќе има Јуниорска ракометна лига на Југоистокот со осум екипи поделени во две групи

838

Следната ракометна сезона ќе има Јуниорска ракометна лига во Југоистокот откако се се зголеми интересот на ракометните клубови од овој дел на државата за учество во Јуниор КУПОТ што го играа Младост од Богданци, Астраион од Струмица, Партизан од Гевгелија и Вардар од Неготино. Од таа причина клубовите одлучиле да им се даде шанса на дополнителни други четири клубови кои појавија интерес да земат учество во овој проект за ракометари родени 2004 тата година и помлади

,,Поради големата заинтересираност на многу клубови да се вклучат во Јуниор куп југоисток натпреварите, одржан е состанок на основачите на овој проект (РК Младост, РК Астраион, РК Партизан и РК Вардар Неготино), годинава, и одлучено е јуниор куп југоиток да биде проширен за уште четири нови екипи (РК Торо Спорт, РК Радовиш, РК Текстилец и РК Тиквеш) со што ке се смени и системот на натпревари, кој ке премине во лига систем во две групи по региони’’, стои во известувањто на клубвоите основачи на ЈУНИОР КУПОТ кој сега прераснува во ЈУГОИСТОК ЛИГА

Во првата група ќе бидат јуниорите од  РК Младост Богданци, РК Партизан Гевгелија, РК Вардар Неготино, РК Тиквеш Кавадарци. Во втората група пак ќе бидат јуниорите на Астраион од Струмица, Текстилец од Штип, Радовиш и Торо спорт од Виница. Сите екипи во групите ќе играт дома и гости и најдобрите две од секоја група ќе играт за Ф4 турнир за титулата Јуниорски ракометен Шампион на Југоистокот

,,Целта е генерацијата 2004 и помали освен во системот на РФМ пионери каде има премалку натпревари со јуниор лигата да добијат дополнителни натпревари, а со тоа и да се обедини југоистокот каде преку натпревари би се промовирале најдобрите,, информираа оснивачите на Јуниор КУП кој сега прераснува во Лига

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.