Сите сме еднакви, кажаа од Фондацијата „Ице Бегов“ кои во Гевгелија почнаа да градат инклузивен парк !

3506

Во кругот на Пионерскиот дом во Гевгелија почна да се гради инклузивен парк кој ќе го носи името на Ице Бегов. Паркот е резултат на соработката на Фондацијата Ице Бегов и Општина Гевгелија  за што минатата година беше потпишан меморандум за соработка. Инвеститор ќе биде Фондацијата, која за овој инклузивен парк обезбеди 4 милиони денари.

,, Општината го изработи проектот за овој инклузивен парк. Дворот на Пионерскиот дом ќе биде збогатен со зелена површина, патеки, инклузивни реквизити кои ќе го може да ги користат сите, без разлика на попреченоста бидејки барирери и предрасуди не постојат“, кажа Елена Бегова од Фондацијата

Градоначалникот на Гевгелија Андон Сарамандов истакна дека ќе се формира уште едно урбано катче со зелена површина.

,,Нашата соработка со Фондацијата „Ице Бегов“ ја започнавме минатата година со потпишување на меморандум за заедничко вложување во потребите на секојдневното живеење на граѓаните. Нивната општествена одговорност ја изразуваат постојано преку нивното делување и важат за пример кој треба да ни служи во поглед на создавање квалитетни вредности“, кажа градоначалникот Андон Сарамандов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.