Сите песни се ,,Мелем за душа” вели Стојне Николова која го промовираше својот прв албум со аудио и видео спотови

596

Струмичанката Стојне Николова го промовираше својот прв албум на кој се наоѓат вкупно единаесет авторски песни за кои Стојне сними и видео спотови. Албумот како што најави од поодамна се вика ,,Мелем за душа’’ во која се поместени  песни за сечиј вкус од балади па се до оние со побрз ритам со етно и поп елементи. Николова вели дека за албумот стасале веќе позитивни критики за кои напиша дека се вистинско освежување на македонската фолк сцена

,, Се надевам дека песните ќе бидат слушани со оглед на тоа што има песни за сечиј вкус кои внимателно ги одбиравме. Песните се на Бобан Мојсовски, Јане Рафаиловски, Борче Димиторв, Љупчо Павловски, Орце Зафировски, Љупче Василев и Филип Нуне и навистина мислам дека се мелем за секоја душа,, ни изјави Николова која тврди дека главен виновник за нејзиниот подем е Бобан Мојсовски со кого постојано имаат гостувања низ градовите во државата а често заминуваат и меѓу нашинците во Европа каде одржуваат концерти

Око мое, После мене, Спремај мајко дарови, Љуби ме се само дел од песните од новиот албум на Стојне Николова за кои сними спотови во студио и на повеќе локации. Таа тврди дека покрај сите работни обврски и патувања секогаш наоѓа време да биде меѓу своите во Струмица кои и даваат мотивација во нејзината кариера

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.