СВР Струмица со превентивна акција – возачите да носат зимска опрема во спротивно казна од 45 евра

1210

Отсекот за превенција при СВР Струмица во рамки на проектот „Биди подготвен за безбедно патување во зима“ денеска реализираше превентивна акција со која возачите ги потсетија за носење зимска опрема. Александра Трајанова, портпарол на СВР Струмица истакна дека задолжителното носење на зимска почна почнува од  15 номеври и трае до 15 март следната година. Затоа полицајци од станиците на Струмица, Радовиш, Гевгелија и Валандово на патиштата и улиците во Југоистокот  при контрола на возачите ги потсетуваат за оваа нивна обврска.

,,Во непосреден разговор со возачите и делење летоци со едукативна содржина ги информираме што се подразбира под зимска опрема, како и за потребата од нивно внимателно возење не само во време на снежни врнежи, туку и во период на ниски температури и појава на голомразица на коловозот. Воедно, возачите ги потсетуваме дека при секое констатирано непостапување по оваа законска обврска, ќе им бидат издавани прекршочни платни налози од Законот за безбедност на сообраќајот на патиштата, со кој глобата за ваквите прекршоци е од 45 евра“, изјави Трајанова.

Полицијата апелира до сите возачи да ги почитуваат законските прописи и поставената сообраќајна сигнализација, посебно во зимски услови при замрзнати и влажни коловози да ја намалат брзината на движење и да го прилагодат возењето на условите на патот, да држат безбедно растојание, да избегнуваат нагло запирање или забрзување на возилото, а се со цел за нивна безбедност и безбедност на другите учесници во сообраќајот.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.