СВР Струмица доби нов началник, досегашниот станува дополнителен !

8455

Дејан Евтимов, досегашен главен советник во Одделението за прекршоци  е нов технички началник на СВР Струмица. Досегашниот Кирил Арапов станува дополнителен началник на овој Сектор,  при што за секоја одлука ќе мора да стават потпис двата началника како што е утврдено со формирањето на техничката влада.

Решението за именувањето на Ефтимов го донел техничкиот министер за внатрешни работи, Панче Тошковски, согласно неговите ингеренци со кои може да изврши смени на 15 позиции во Министерството.

Ефтимов својот професионален ангажман во МВР како што објавија медиумите го започнува како доброволец во воениот конфликт од 2001 година, а подоцна станува дел од организационите единици на Минситерството. Бил на повеќе функции во МВР и тоа како полицаец, испектор, командир, началник на одделение.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.