Ристов: Спортот и младита ја имаат целосната поддршка од Општина Радовиш

166
Под покровителство на Градоначалникот Ацо Ристов и Советот на општина Радовиш, во тек се два турнири во нашата општина.На повеќенаменското игралиште во ООУ „Никола Карев“ започна традиционалниот турнир во баскет „STREETBALL 3X3 РАДОВИШ 2022“, кој ќе трае до 03.07 – Недела, кога ќе се одиграт финалните натпревари.
Исто така, во спортскиот центар „Азури“ во тек е турнирот во мал фудбал во организација на фудбалскиот клуб „Бунарџик“ а кој се одржува по повод празникот Курбан Бајрам.На поединечен план, општина Радовиш се гордее со своите млади таленти кои постигнуваат меѓународни успеси.
Таков пример е младиот талентиран фудбалер Александар Полимац. Ова момче кое моментално настапува за Академија Пандев – каде и да учествува ги освојува највисоките признанија. Последниот негов успех е на меѓународен турнир во Земун, Србија, каде помеѓу 1.500 учесници освои награда за најдобар центарфор. Претходно како дел од генерацијата 2010-та е прогласен за најдобар стрелец во детската лига сезона 2021/22 и со тоа како единствен играч од Македонија влезе во конкуренција за селекција во ФК „Партизан“ и ФК „Црвена Звезда“ во Србија.
Исто така во Мај оваа година во Тимисоари, Романија на Европски куп за деца освои пехар за најдобар голгетер, така да овој фудбалски бисер од нашиот град е доказ дека со напорна работа се постигнувааат големи успеси, уште од млади години.
На Александар му посакуваме успешна кариера и уште повеќе успеси со кои ќе се гордееме сите.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.