Ракометарите на Радовиш со победа ја започнаа новата сезона – Шоу на Ивица Илиев, постигна дури 15 гола (видео)

251

Ракометарите на Радовиш со победа ја започнаа новата првенствена сезона од македонската  Суперлига. Во првото коло со 32:28 радовишани на свој терен го совладаа тимот на Вардар Јуниор, натпревар во кој блескаше Ивица Илиев кој на своето конто запиша фантастични 15 погодоци

Победата на радовишани во ниту еден момент не беше доведена во прашање. Тргнаа офанзивно и контуинирано имаа предност која во финишот од првото полувреме беше 7 плус (18:11). Во тој период искусниот Илиев постигна 10 голови што од линијата за седум метри што од игра.

Во вторите 30 минути продолжи доминацијата на тимот на Радовиш, додека вардаровите млади ракометари се обидуваа резултатски да се приближат но не успеаа против расположените домаќини кои на крај славеа со 32:28

Освен Илиев во таборот на Радовиш Николов постигна 7, Ѓоргиески 6 а Дука 5 гола. Следното коло Радовиш му гостува на Бутел

Еве ги сите голови на Ивица Илиев кој во март за Дрнка МК истакна дека Радовиш има потенцијал и за поголеми успеси

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.