Преку ЦРЈИПР, Струмица доби ново противпожарно возило a наскоро и Радовиш – доделени и дронови за детекција на пожари !

875

Струмичките пожарникари добија ново противпожарно возило но и еден дрон за рана детекција на шумските пожари а вакви дронови беа доделени и на противпожарните единици на Гевгелија и Радовиш. Станува збор за донација од Центарот за развој на Југоисточниот плански регион кој го имплементира проектот „Рано откривање на пожарите и нивно движење за превенција и справување со катастрофи – eFIDAR“.

Станува збор за специјализиран мал камион за гаснење шумски пожари и спасување со цел да се покријат потребите на општината Струмица, како и на руралните општини Босилово, Василево и Ново Село. Новото специјализирано противпожарно возило е во вредност од  107.000,00 евра.

Преку овој проект веќе се набавени специјализирани противпожарни возила за ТППЕ Валандово и ТППЕ Гевгелија, а до крајот на проектот предвидено е свое возило да добие и ТППЕ Радовиш со што целиот Југоисточен регион ќе биде целосно опремен.

Центарот за развој на Југоиточниот плански регион проектот го имплементира заедно со Регионот на Централна Македонија, Грција и Центар за управување со кризи, Република Северна Македонија. Проектот е финансиран од страна на Европската Унија преку Интеррег ИПА Програмата за прекугранична соработка помеѓу Грција – Р. С. Македонија.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.