По 30 години ЈП Плаваја од Радовиш, за 118 илјади евра набави ново возило за подигање на отпад

317

Радовишкото комунално претпријатие ,,Плаваја’’ објави дека набавило ново комунално возило за подигање смет од правните и физички лица во ова општина. Како што стои во нивната ФБ објава, станува збор за обнова на возниот парк за таа намена, по речиси 30 години со што ќе биде зголемен капацитетот на претпријатието за сбоирање на сметот.

,,Со огромно задоволство Ве информираме дека ЈП„Плаваја“ за прв пат во последните триесет години со сопствени средства изврши набавка на ново специјално возило за подигање на смет. Со набавката на ова возило се зголемува капацитетот на претпријатието во собирањето на сметот од нашата општина со што ја исполнуваме и нашата мисија,, стои во објавата на ЈП Плаваја

Според информациите станува збор за возило од марката Ивеко со капацитет од 14 кубни метри отпад набавено од фирмата ,,Ецофоцус’’ од Скопје за 118 илјади евра. Впрочем ова претпријатие доставило најниска цена на распишаната јавна набавка од ЈП ,,Плаваја’’ на која конкурирале и други две фирми од Скопје и Охрид.

Набавката ја поздрави и градоначалникот на Радовиш Ацо Ристов кој на својата фб страна напиша дека истата е во функција на подобрување на услугата за собирање на отпадот во општина Радовиш и зачувување на животата средина.

,,Народните пари мора домаќински и одговорно да се трошат.Еден од нашите приоритети за модерна општина е секако зачувувањето на чиста животната средина и редовното одржување на комуналната хигиена во градот. Нашето јавно комунално претпријатие ЈП„Плаваја“ набави ново специјално возило за подигање на смет со што ја подобруваме услугата за собирање на сметот во нашата општина. Се надеваме дека со тоа уште повеќе ќе ја зголемиме јавната свест за важноста на екологијата и незагадувањето,, напиша на ФБ градоначалникот Ристов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.