По успехот во Романија, Костадинов ги прими учениците од угостителско-туристичката струка од „Димитар Влахов“ Струмица

554

Денес градоначалникот Костадин Костадинов изврши прием во својот кабинет за учениците од угостителско-туристичката струка од СОУУД „Димитар Влахов“ со професорката Ивана Петров Ѓоргиева, во улога на нивен ментор, кои постигнаа извонреден успех на Меѓународниот натпревар во готвење „Black Sea Fish Festival”, одржан во Констанца, Мамаја, Република Романија.

Учениците и менторката  ги споделија своите импресии од  натпреварот и задоволството од постигнатиот голем успех, во конкуренција на стотина учесници од повеќе земји од светот, а ја изразија и својата благодарност за финансиската поддршка што ја добија од градоначалникот и Општина Струмица за учеството на „Black Sea Fish Festival”.

Градоначалникот Костадинов им ги честита освоените златни медали на: Ива Сретеновиќ, Сара Цекова и Михаил Анастасов, сребрената на Камелија Ристова, наградата за најдобар тим, а на професорката Ивана Петров Ѓоргиева – наградата за менторка. Тој истакна дека е горд на нивниот голем успех , кој е успех за цела Струмица, и им посака уште многу такви успеси во иднина.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.