Почна масовната вакцинација на жителите од струмичко, дневно се очекува да бидат имунизирани 500 лица

1739

Почна со работа регионалниот вакцинален пункт при ООУ Никола Вапцаров во Струмица кој ќе ги опслужува граѓаните од струмичко. Дневно се очекува да бидаат вакцинирани и ревакцинирани по околу 500 лица. На првиот ден пред спортската сала при ООУ ,,Никола Вапцаров“ се создаде гужва бидејки дојдоа и сите лица кои за денеска или за деновиве добија термин за вакцинирање во Штип

Струмичани изразија задоволство од организацијата на регионалниот вакцинален пункт но како што кажаа не и од односот на граѓаните кои сакаат преку ред и предвреме да завршат со вакцинација.

Како што информираше директорката на ЈЗУ „Здравствен дом Струмица“, Љубица Митева, вчера во пунктот се доставени 2.500 дози од кинеската „Синофарм“, кои се наменети за вакцинирање на сите граѓани кои се пријавиле до 30 минатиот месец.

,,Јас сум задоволен бидејќи успеавме заедно, ЈЗУ „Здравствен дом“, ЈЗУ „Општа болница“ и општина Струмица којашто ја обезбеди целата опрема со која се создадоа сите предуслови за да може да се врши вакцинацијата, да им овозможиме на нашите граѓани повеќе да не патуваат во другите општини за да се вакцинираат”, објави градоначалникот Јаневски

Досега во Струмица се вакцинираа само повозрасните лица кои закажуваа термин преку матинчен или преку вакцинација.мк а се вакцинираа во просториите на спротска медицина во Струмица. Здравствените власти укажуваат дека секој што сака да се вакцинира ќе треба да се пријави на вакцинација.мк при што ќе биде добие термин.

Инаку, од денес можат да се вакцинираат и граѓаните над 40 години кои се имаат пријавено. Порака со термин се уште немаат добиено, министерот за здравство Венко Филипче ги упати да се јават кај матичниот лекар. Според него, термин сигурно има, но поради погрешен број или маил, СМС се уште не добиле.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.