Почна да се гради водоснабдителен систем во Гечерлија општина Босилово, треба да биде готов за три месеци

277

Жителите на населеното место Гечерлија во општина Босилово до почетокот на летото треба да добијат квалитетно водоснабдување, откако денес на терен почнаа работите за реализација на проектот  ,,Водоводна мрежа во Гечерлија“ со средства обезбедени од ТАВ програмата. Како што ни изјави градоначалникот на општина Босилово Ристо Манчев, со проектот се предвидува изградба на цел водоснабдителен систем тргнувајки од бушотина , потисен цевковод и секундарна водоводна мрежа.

,,Денес започнаа активности за  изградба на бушотина,  потисен цевковод од 1 километар и секундарна водоводна мрежа за населено место Гечерлија-општина Босилово. Вкупната вредност на инвестицијата изнесува 8.400.000 денари. Средствата се обезбедени преку ТАВ Програмата. Изведувач на градежните работи е градежното претпријатие „Бони Интерградба“од Струмица .Градежните активности се очекува да се реализираат во рок од 90 дена,, ни изјави градоначалникот Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.