Попладнево на улицата „Климент Охридски“ во Струмица лишени се од слобода три лица осомничени за шверц на дрога. Како што пренесуваат медиумите кои објавија фотографии од настанот, станува збор за две лица од Скопје и едно од Струмица вмешани во транспорт на марихуана во автомобили.
Според првичните неофицијални информации, станува збор за канал на меѓународна трговија со марихуана, на релација Скопје – Струмица, со крајна дестинација најверојатно Бугарија или Грција а во акцијата биле вклучени и од Бирото за јавна безбедност.
Како што објавија медиумите станува збор за поголема количина дрога а повеќе детали се очекуваат во текот на утрешниот ден.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
