Плажата кај Николиќ станува се поатрактивна за гостите што доаѓаат во Дојран, спој на мир, зеленило, чистота

5006
На околу километар и половина од населеното место Николиќ се наоѓа истоимената  плажа на Дојранското езеро која е природна а од минатата година беше и уредена преку Центарот за развој на Југоисточниот плански регион. Ако до лани беше локална плажа и свртилиште на поупорните, таа со почетокот на ова сезона станува се поатрактивна кај посетителите на Дојран, пред се поради мирот, зеленилото и песокта која по природен пат се насипува од реката од планината Беласица.
До ова плажа се стигнува по макадам пат кој е насипен со чакал. Ова плажа има паркинг и лежалки каде за исклучително ниски цени може да се ужива во понуата што ја нудат од Барот. Станува збор за плажа со која стопанисува фирмата Југо стил од Николиќ
,,Плажата надвор е природна со трева  до самото крајбрежје а потоа има неколку метри  жолта песок. Езерото е чисто и погодно и за мали деца бидејки околу 70 метри е плитко. Лежалките се 100 денари со кафе и вода или со цеден природен сок. Планираме и ноќни забави за време на викендите. Доволно е само да се посети ова плажа и ќе се почуствува природата, свежината и чистотата на ова место,, велат од концесионерот на плажата Југо стил

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.