Фудбалерите на Академија Пандев забележаа победа против српскиот прволигаш Спартак од Суботица со резултат од 2:1 на подготовките во Анталија Турција. Според објавата на ,,пандевци’’ на својата официјална фан страна стрелци на головите за Академијата биле Марио Крстовски кој го потврдил лоб ударот на Сашко Пандев, а вториот гол го дал нигериецот Еменике кој е на проба во струмичкиот прволигаш за кого допрва треба да се одлучува околу неговиот ангажман
Ова е втор пријателски меч во Турција откако ,,пандевци’’ одиграа мирољубиво со рускиот тим Балтика а претходно претрпеа пораз од Беласица Петрич во Бугарија пред да заминат во Анталија. Следната контролка им е закажана во сабота против екипата на Септември Софија од Бугарија. До крајот на престојот во Анталија Турција, Академија Пандев на 4 февруари ќе се сретне со Ротор од Русија, а подготовителните средби ќе бидат заокружени со меч со туркменистанскиот тим Алтин Асир.
Според објавата на Академија Пандев во првиот состав на денечниот меч против Спартак излегле Чубраковиќ, Јованов, Цикарски, Гранчов, Костов, Томовски, Стоилов, Танушев, Миловановиќ, Дориев, Мујеци а во игра влегле и Илиев, Темелков, Глигоров, Пандев, Велиновски, Еменике, Николов, Крстовски, Димов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
