Откриен сторителот кој демолираше урбана опрема во Гевгелија за време на синоќешниот полициски час

1135

Откриен е сторителот на вандалскиот чин во центарот на Гевгелија, кога на шеталиштето и во околината од центарот на градот, беа уништени поголемиот број од жардинериите со цвеќе и садници објави градоначалникот на општина Гевгелија Сашо Поцков. Тој рече дека гевгелиската полиција веднаш интервенирала и успеала да го откри идентитетот на лицето по што се превземени соодветни мерки

,,Во врска со синоќешниот немил настан што се случи во Гевгелија, најстрого го осудувам ваквиот вандалски чин невообичаен за Гевгелија.Преземени се сите мерки од страна на Полициската станица и ОВР- Гевгелија за брзото откривање на сторителот и неговиот идентитет поради што упатувам пофалби за брзата акција. Се работи за лице кое има психолошко нарушување и истиот веднаш е транспортиран во Психијатриската болница во Негорци’’,  информираше градоначалникот Поцков, кој покрај осудата на овој чин, апелираше до граѓаните да останат мирни и дома и да ги почитуваат владините препораки.

Од ЈПКД „Комуналец“ од Гевгелија нагласуваат дека е предизвикана материјална штета, но, уште во текот на претпладневните часови извршена е целосна замена и обнова на садниците и засаденото цвеќе во јавните жардинерии.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.