Опожарени шест полуподземни контејнери за отпад во Струмица – два целосно оштетени ! (ФОТО)

1261

Два полуподземни контејнери во Струмица се целосно оштетени и ќе бидат надвор од функција откако непознат сторител или сторители подметнале пожар во нив. Вкупно шест контејнери на различни локации биле мета на опожарување. Кај два два е оштетена внатрешната платнена церада каде се собира отпадот и одговорните од струмички  Комуналец беа принудени целосно да ги затворат.

Раководителот за чистота Бранко Ѓеоргиев вели смета дека станува збор за однапред осмилсено сценарио на еден или повеќе личности оти опожарени се шест контејнери на четири локации.

,,Очигледно е дека се работи за осмислена акција која не носи добро на граѓаните на Струмица, ниту за општината ниту за Комуналец бидејки се трошат народни пари. Преку зимата кога имавме греење и граѓаните фрлаа пепел не се случи тоа а сега преку летото да има пожар во нив. Случајот е пријавен во МВР . Штетата е огромна. Апелирам до граѓаните да ги чуват овие контејнери кои преставуваат најдобар модел за собирање отпад кои не шират непријатен  мирис, нема  исцедок на течности, расфрлан шут и собирање животни околу нив,, вели Бранко Ѓеоргиев раководител на одделението за чистота

Станува збор за полуподземните контејнери кои се наѓаат на крстосницата на Младинска со Ценка Павлова каде има два, два се опожарени на крстосницата  Братство Единство со Браќа Миладинови и по еден на улиците Ѓорги Василев и Панче Пешев.

Лани во Струмица беа поставени 20 полуподземни контејнери чииј капацитет изнесува 5 кубни бетри . Поставени се на локации со повеќе колективни стамбени единици. За нивна набавка, општината потрши околу 158 илјади евра а мораше да набавува и специјално возило за подигање на сметот од овие контејнери.

Општина Струмица во моментов има распишано  тендер за набавка на уште седум полуподземни контејнери.  Јавната набавка трае до 25 јули по што ќе се знае од која фирма ќе бидат набавени новите садови за собирање комунален отпад со капацитет од пет кубни метри . ( В. Трајков )

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.