Одбојкарите на ОК Струмица 47&72 забележаа нова победа против Шкендија и поведоа со 2:0 во финалната серија за освојување на Шампионската титула. Во Тетово, струмичани славеа со 3:0 во сетови со што се на прагот да го кренат деветиот шампионски пехар и тоа веќе во сабота на свој терен во салата Парк.
Според очекувањата избраниците на Кире Ричлиев ја оправдаа фаворитската улога и не дозволија изненадување. Вложија онолку колку што е потребно да се има контрола и на играта и на резултатот. Во ниту еден момент Шкендија не успеа да парира на струмичани. Милев со 13 и Злобин со 10 поени беа најдобрите кај Струмица 47&72 која се покажа дека е најдобрата одбојкарска екипа во македонскиот шампионат а тоа треба да го потврди во сабота со кревање на шампионскиот пехар
Потсетување Струмица пред неполн месец го освои Купот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
