ОК Струмица Никоб испишува историја, ќе игра во Лигата на Шампиони – познат противникот во првото коло !

239

ОК ,,Струмица Никоб” е првиот македонски тим што ќе игра во Лигата на Шампиони на ЦЕВ. Тие денеска го добија противникот во првото коло од најквалитетното одбојкарско клупско натпреварување во Европа. Холандскиот ,,Динамо Апелдорн” е првата пречка за струмичани во дебитантскиот настап во Лигата на Шампиони. Станува збор за екипа која освоени повеќе национални титули но и настапи во еврокуповите

Првиот меч струмичани кои девет пати се прваци на Македонија, а минатата сезона ги освои двата домашни трофеи без загубен натпревар, со ,,Динамо Апелдорн” ќе го  играат на домашен терен и тоа од 20 до 22 септември  додека седум дена подоцна патуваат во Холандија.

Доколку избраниците на Кире Ричлиев ги поминат холанѓаните во второто коло се среќаваат со португалскиот Бенфика каде мечевите се закажани во првата половина на октомври. Доколку пак претрпат пораз се селат во КУПОТ на ЦЕВ каде следува двомеч со Мурса Осијек од Хрватска.

,,Со огромна чест и задоволство сакаме да ве известиме дека оваа сезона по пауза од една година се враќаме во европските купови. После долги години најуспешниот колектив во последната декада во одбојкарска Македонија ќе има можност да застане рамо до рамо со елитата во нашиот спорт. Лигата на шампионите на ЦЕВ е круна на нашите вложувања,, објавија од ОК Струмица Никоб

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.