Околу 70 илјади евра ќе даде Општина Струмица на граѓански здруженија и фондации за проекти во 2024 – објавени јавните повици !

204

Општина Струмица и годинава ќе даде финансиска поддршка на граѓанските здруженија и фондации за реализација на проекти кои ќе дадат дополнителен импакт во заедницата. Станува збор за околу 4 милиони и 200 илјади денари  или 70 илјади евра кои општината планира да ги додели на граѓанските организации за исполнување на стратешките определби од локалниот економски разовј и заштитата на животната средина или Г1 програмата за која се планираат 3 милиони и 500 илајди денари. Освен за овие области ќе се доделат пари на здруженија кои ги застапуваат  интересите на ранливите категории на граѓани и ќе реализираат проекти за социјална, детска и здравствена заштита во висина од 700 илјади денари.

Право на аплицирање имаат Здруженија на граѓани и фондации кои се регистрирани на територијата на Општина Струмица. Јавниот повик е распишан во рок од 30 дена при што здруженијата ќе мора да ги достават своите предлог проекти за финансирање. Право на овој Јавен повик ќе немаат здруженија на граѓани кои лани земале пари од општината но не дале извештај за сработеното.

Лани пари од општината добија над 20 тина граѓански организациии кои на почетокот на ова година ги презентираа резулатите од реализираните проекти

Од Г1 програмата здруженијата може да добијат од 60 до 250 илјади денари . Парите ќе се исплатат во две транши. 50 % веднаш по потпишувањето на договорот а останатито дел по реализацијата. Проектите треба да се реализираат во рок од 5 дена.

Повеќе информации за јавните повици на ЛИНКОТ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.