Одбојкарите на Струмица поразени во Штип, УГД со тапан и музика ја прослави победата (видео)

175

Освојувачот на Купот екипата на Штип УГД израмни против Струмица во плеј офф пресметката за освојување на шампионскиот трофеј.  Штипскиот состав славеше со идентичен резултат како што струмичани славеа на свој терен 3:1 во сетови со што се најавува неизвесност за и околу шампионската круна.

Најнеизвесен  беше првиот сет. По голема борба домакините го добија со 30:28. Струмица покажа квалитет и експресно стигна до израмнување рутински добивајќи го вториот сет со 17-25. Иако можеби се очекуваше струмичани да стигнат до целосен пресврт, остатокот од дуелот мина во знакот на домашниот состав, па штипјани ги добија следните два сета со 25-20 и со 25-21.

Третиот меч од оваа финална серија ќе се игра в понеделник во салата „Парк“ во Струмица a во Штип победата како што објави градоначалникот на Штип на ФБ Иван Јорданов се прослави со тапан.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.