Објавена програмата за „Струмичкиот карневал 2024“ познати термините за сите карневалски свечености !

3415

Струмичкиот карневал годинава ќе се одржи на 16 март на кој ќе учествуваат околу илјада маскирани лица од земјава и странство. Според објавената програма од страна на организаторите, карневалските денови треба да започнат на 13 ти март со предавањето на клучот на градот од градоначалникот на карневалистите до 20 ти март празникот на армасаните Тримери.

На 14 март ќе се одржат два концерти под маски на Музичкото училиште „Боро Џони“, а меѓу концертите е предвидено отворање на изложба „30 години во FECC“, а ќе се објават и резулатите од темата за проза и поезија за карневалот во организација на Библиотеката „Благој Мучето“.

В петок, на 15 март, ќе одржи традиционалниот маскенбал, на кој се избираат принц и принцеза на Карневалот, кои заедно со кралската свита ќе ја предводат Интернационалната карневалска поворка на главната карневалска вечер на 16 март во 18:30 часот.Детскиот карневал се одржува традиционалнао на празникот Прочка, в недела на 17 март,

Чист Понеделник (18 март) карневалските празнувања продолжуваат со варење и консумирање на традицоналниот бел грав, а ќе бидат објавени и резултатите за најуспешните маски од интернационалната карневалска вечер. Во НУЦК „Антон Панов“ во Струмица ќе биде отворена и традиционалната изложба на карикатури и афоризми и ќе бидат доделени наградите на најуспешните.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.