Никоб Медикал донираше транспортен инкубатор за новороденчиња во струмичката болница

308

Струмичката болница доби донација од нов транспортен инкубатор за потребите на неонатолошкиот оддел со цел обезбедување на повисоко ниво на здравствена заштита на новородените при транспорт до Детската клиника во Скопје. Новиот мобилен икубатор го донираше ПЗУ ,,Никоб Медикал’’ за што од струмичката болница изразија благодарост до сите лица кои се вклучиле ова иницијатива да стане реалност.

,,Со тоа го подобруваме квалитетот на здравствената грижа за нашите најмили-новородените кои се витално загрозени, предвремено породени , со проблеми кои бараат итен транспорт до повисоко ниво на здравствена заштита -итен транспорт до Детската клиника во Скопје. Транспортниот (мобилен) инкубатор овозможува полесен, побезбеден , поквалитетен транспорт, подобри услови за новороденото, но и полесно следење, мониторирање , полесен пристап и третман во тек на транспортот од страна на здравствените работници а со тоа и поголема можност за преживување,, објавија од ЈЗУ Општа Болница од Струмица на својата ФБ страна

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.