На Фолк фест Валандово наградата за животно дело постхумно за Ѓоко Дончев а ќе има и музички омаж за Милан Завков

2442

На годинашново издание Фолк Фест Валандово наградата за животно дело годинава ќе му се додели постхумно на пејачот Ѓоко Дончев кој пред две години почина на 71 годишна возраст а важеше за еден од доајените на македонската народна музика. Како роден валандовчанец остави  длабока трага со своите безвременски хитови, како легендарните: „Чуј ги куме свирачите“, „Сношти Кате“, „О доме мој“ и многу други

Од таа причина раководството на Фестивалот оваа година одлучи ова награда да ја додели постхумно на Ѓоко Дончев кој како роден валандовчанец беше активен на сцената повеќе од 25 години и со своите песни ја одбележа златната ера во македонската фолк музика

Управата на Фестивалот заедно со интерпретаторите одлучија во чест на починатиот музичар Милан Завков да изведат и омаж од негови песни и хитови.  Омажот ќе биде за време на паузата на гласањето на главната фестивалска вечер. Завков почина пред два месеци ненадејно на 61-та година од животот. Тој беше врвениот инструменталист и композитор и од него произлегоа голем број хитови на овој реномиран фолк фестивал.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.