Најмалку 30 возила без регистрации ќе видите по Беласица и сечa кој каде ќе најде – протест во Колешино (ФОТО)

2066

Жителите на Колешино општина Ново Село повторно излегоа на протест против дивата сеча на планината Беласица на кој се приклучија и жителите од околните села. Тие се гневни што секој ден од планината Беласица брмчат возила и моторни пили уништувајки го шумскиот финд. Како што потенцираа загрижени се од можни свлечишта но и загадување на изворите од каде се снабдуваат со вода.

,, Еве сега да отидеме во Беласица ќе сретнеме најмалку 20 до 30 тамчиња, омчиња, застави без регистрација, сечат кој каде ќе најде. Тоа е неподносливо и после тоа имаме проблем, може да се створат свлечишта, патиштата ни се загадени. Тие се два основни проблеми кои што може да се решат многу лесно. Да не ни се загадува водата каде што пиеме и да се стави ред на дивите сечачи. Не сме ние ние против стопанисување на Беласица. Беласица е жива планина, мора да се работи со неа, меѓутоа да има еден ред,, кажаа граѓаните што излегоа на протест

Ова не е првпат да протестираат жителите на Колешино против дивата сеча. Тие пред две недели го изразија својот револт од неконтролираното уништување на шумскиот фонд но и се позачестеното дрвокрадство. Тврдат дека индивидуалци секојдневно вршат сеча со возила без било каква контрола од надлежните

,,Бараме да се стави ред во Беласица. Да има рампи во планината за контрола на сите возила што ја посетуваат. Да се прогласат и некои подрачја како споменик на природата,, кажа Давид Златанов

За овој проблем заседваше и Локалниот совет за превенција на Општина Ново Село на кој се заклучи да се засилат контролите од шумската полиција но и од шумочуварите а локалното население доколку забележи дрвокрадство веднаш да пријави до надлежните

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.