Наградата за најдобро актерско остварување ,,Ристо Шишков” по втор пат за Звездана Ангеловска

104

Звездана Ангеловска ја понесе наградата за најдобро актерско остварување на 29 тото издание на ФКТ Ристо Шишков. Наградата ја доби за нејзината игра во улогата на Таа во преставата ,, Само глас’’ од Нина Плавањац а во режија на Марјан Нечак во продукција на МНТ.  Ангеловска е единствениот актер кој во речиси 30 годишното постоење на Фестивалот на камерен театар по втор пат ја добива наградата ,,Ристо Шишков’’.

,,  Со својот креативен импулс и творечка ведрина ја разбиваше запушливата и траурна атмосфера. Трансфорамциите на ликот го покажаа актерскиот дијапазон на Ангеловска, дијапазон со океанска длабочина и небесна широчина.Таа манифестираше модерен актерски израз во контекст на актуелниот глобален општествен миг,, кажа претседателката на жирито Александра Пешевска

Ангеловска која не беше присутна на затворањето на Фестивалот и прогласување на добитникот на наградата не очекувала дека повторно ќе се закити со ,,Ристо Шишков’’ со оглед дека во 2003 ја понесе наградата за најдобро актерско остварување

,, Наградите секако дека се драги, но со оглед дека пред 18 години  бев носител на истата, искрено  навистина не ја очекував. Но по изведувањето на преставата забележав дека имаше флуид со публиката, дека успеав да ја го пренесам ликот на Таа кај посетителите. Ова е потврда дека сите добитници на ова награда имаат одговорност да покажуваат уште подобри резултати на сцена,, ни изјави Ангеловска на која дополнително ќе и биде врачена златниот медаљон со ликот на Ристо Шишков

фото: ФКТ Ристо Шишков

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.