Мојсовски: Шест фирми се јавија на тендерот да го градат пливачкиот базен во Струмица

3381

До крајот на месецов ќе се знае која фирма ќе го гради затворениот пливачки базен во Струмица. Вкупно 6 фирми се јавиле на распишаниот тендер на Агенцијата за млади и спорт за изградба на затворени пливачки базени во Струмица, Карпош и Кавадарци со проценета вредност од околу 150 милиони денари. Ова го истакна директорот на АМС Наумче Мојсовски при последната посета во Струмица на новинарско прашање, до каде е постапката за изградба на затворениот пливачки базен во Струмица.

,,Има интерес. Шест фирми се јавија на распишаниот тендер. Нивните понуди со потребната документација пратени се до Комисијата да бидат разгледени и до Бирото за јавни набавки и влегуваме во евалуација. Целиот проецес нема да трае многу. До крајот на месецов или почетокот на април очекуваме да се знае кој ќе ги гради и во скоро време да ги удриме темелите за изградба на базените кои ги очекуваат и општините и децата и училиштата,, рече Наумче Мојсовски.

Затворениот пливачки базен во Струмица според урбанистичкиот план би требало да се гради на просторот кај АТШ Берово. Според тендерската документација станува збор за базени со должина од 25 и широчина од 9 метри. Истите би имале променлива длабочина од 80 сантиметри до метар и 20 сантиметри.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.