Младите невработени струмичани добија Инфо пункт каде ќе имаат обуки и вештини за работа според потребите на бизнис секторот

201

Во рамките на проектот „Младите – клуч за иднината на бизнис секторот“ кој го реализираше  Центарот на заедницата на Струмица а во партнерство со  Струмичка Бизнис заедница, отворен е Инфо пункт кој ќе располага со база на информации за потребите на пазарот на трудот а ќе овозможува и обуки каде младите ќе добиваат дополнителни вештини за вработување.

Пунктот кој е во ТЦ Глобал во Струмица ќе го користат и ќе биде врска меѓу младите невработени и бизнис заедницата. Таму ќе се нудат информации но и обуки со кариерно советување како младите да бидат конкурентни на пазарот на трудот според потребите на бизнис секторот

Со отворањето на ова канцеларија се очекува поттикнување интерес кај младите за доусовршување, доквалификација,  подобрување на вештините и можностите за вработување, со организирање на специјални обуки од една страна а од друга страна да се презентираат потребите од кадар на бизнисмените

Проектот за отворање на Инфо-пунктот во Струмица е во рамки на „Регионалната програма за локална демократија во Западен Балкан-ReLOaD”, која е финансирана од Европската унија но и од општина Струмица а ја спроведува Програмата за развој на Обединетите нации

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.