Младите невработени од струмичко да се пријават и преку Гаранција за млади да добијат поддршка за вработување

482

Младите и невработени лица од Струмица можат да добијат работа или пак пракса, дообука и помош од државата за отворање свој бизнис преку Гаранцијата за млади на Агенцијата за вработување и ова година. Станува збор за можност што се нуди на младите невработени лица за да се вклучат во некоја од активните мерки на Агенцијата која лани проектот го спроведе во пилот општини и даде одлични резултати.

Во рамките на Гаранцијата за млади  има работници кои на терен им даваат поддршка на младите што воопшто не се пријавени во системот на Агенцијата,  да се активираат на пазарот на трудот и да искористат дел од поволноститте што ги нуди државата. Освен во Струмица овој проект во ова фаза се спроведува и во Шуто Оризари, Гази Баба но и во општините од Свероисточен, Полошки и Југозападен регион

,,Доколку сте заинтересирани на овој ЛИНК треба да се пријавите и да добиете помош за искористување на поволностите од Агенцијата за вработување преку Гаранција за млади. Станува збор за обука, пракса, самовработување. Може да се пријават младите невработени до 29 години од Струмица,, информираа теренските работници.

Во пилот фазата, минатата година преку  Гаранцијата за млади беа вклучени 5266 лица од кои 1839 лица или 35% се вработија во период од 4 месеци по нивното евидентирање како невработени лица во Агенцијата. Останатите ги користеле мерките како што се обука кај познат работодавач, практикантство и самовработување. Во моментов на располагање на младите лица стојат сите активни мерки во Агенцијата за вработување односно самовработување, обука, пракса

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.