Младите на Брера го надиграа Белградски Партизан и со победа го стартува турнирот во Златибор во Србија

2398

Mладинскиoт состав на Брера Струмица со победа над Белградски Партизан го отвори меѓународниот турнир ,,КУП на Пријателство“ во Златибор – Србија. Момците предводени од стратешкото трио Мартин Алаѓозовски, Ѓорѓе Стојчев и Борче Апостолов беа доминантни во текот на целиот натпревар и заслужено славеа со 2:1 и ги освоија првите бодови на турнирот. Одиграа борбено, квалитетно без многу респект при што беа создадени многу шанси пред голот на Партизан.

Младите на струмичкиот прволигаш резултатот го отворија во 19 минута преку Ѓоко Спасов а во 42 минута Марио Костов зголеми на 2:0. Белградски Партизан намали во 58 минута преку Филиповиќ. До крајот на средбата момците од Струмица креираа уште неколку шанси кои не успеа да ги искористата за поубедлива победа.

Со ова победа значително Брера Струмица ги зголеми шансите за пласман во четвртфиналето а веќе утре на програмата е дуелот со Железничар

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.