Македонските одбојкари против Данска го почнуваат походот за висок пласман на ЕП во Скопје !

452

Македонските одбојкари вечерва против Данска во салата Борис Трајковски во Скопје го почнуваат походот за пласман во осминафиналето на Европското првенство кое се одржува во Македонија, Италија, Израел и Бугарија. Ова е нивно трето последователно учество на континенталното натпреварување по учествата во Словенија и Финска.

Освен Данска противници на ,,македонските спартанци“ се и селекциите на Црна Гора со која силите ќе ги одмериме на 2 септември а ден подоцна со Полска. На 5 септември за противник ја имаме селекцијата на Холандија а ден покасно селекцијата на Чешка

Против Данска од 10 меча имаме 7 победи. Мечот е закажан во 20 часот. Селекторот Јошко Миленковски тврди дека репрезентацијата е максимално подготвена за пласман во следниот круг

„Овие момци секој ден даваат се од себе. Ова е најголем настан во Македонија, заедно сме со најголемите светски ѕвезди. Ова е можност да ја претставиме нашата држава и нашиот спорт. Со нашата желба, мотивација и борбеност сакаме да постигнеме што повеќе, поточно пласман во следниот круг. Макотрпно работевме, но не зависи само од нас зависи и од противниците. За да постигнеме добри резултати потребна ни е поддршка од сите страни, пред се од навивачите, за да се претставиме во најдобро светло и да сториме се за да се пласираме во втората фаза. Најважното ни доаѓа, тука треба да го покажеме нашиот цврст карактер, борбата амбициите и да се спротивставиме на сите овие моќни репрезентации. Имаме сили за тоа, веруваме во тоа, се надевам дека по завршувањето на ова Европско првенство тоа ќе биде една нова историја за нашиот спорт“, изјави Миленковски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.