КУД „Кирил и Методиј“ Иловица слави јубилеј 10 години постоење и организира Фолклорни средби „Св. Атанасиј“

1586

Во пресрет на големиот христијански празник Св. Атанасиј,  КУД „Кирил и Методиј“ од Иловица – Општина Босилово го организира Фолклорни средби на кои  ќе земаат учество играорци од шест друштва и ансамбли од земјава но и од Бугарија но ќе се слушаат и музика од традиционални изворни инструменти. Станува збор за шесто издание на фестивалот со кој КУД ,,Кирил и Методиј“ слави јубилеј 10 години и има за цел да го презентира македонскиот фолклор и традиционалните ора.

Во чест на јубилејот од 10 години на КУД Кирил и Методиј , средбите или фестивалот започнува денеска за што е планирана вечер на изворни инструменти. За таа цел ќе настапат челнови на ОМУ Боро Џони од Струмица со Игор Ангелов, Никола Ѓоргиев од Дрвош но и Фолклорниот ансамбл Велигденски цветови од Јаргулица.

Утре пак на програата освен четирите групи на КУД Кирил и Методиј од Иловица се очекува да се видат и настапите на ансамблот Етнос од Скопје, КУД Јахи Хасани од Чеграни- Гостивар, КУД, Стоби од Градско, КУД Русалии од Секирник но и гости од НЧ Антон Попов од Самоилово од Бугарија

Дефилето е предвидено со коњаницата ,,Илинден“ од Радово.

,, Ќе има голем репертоар на Фестивалот. Предвидено да бидат одиграни повеќе кореографии. Се очекува да се проследат ората Кумановка, Невестински свадбени обичаи, Полошко оро, Егејски игри, Тресеница, Жетварка, Русалиски игри но и други кореографии. Сакаме да упатиме порака дека треба да се негува македонската традиција и култура оти таа е промотор на нашата нација, фолклорот е битие што не негува и одржува како Македонци,, ни изјави Марјан Стоев од КУД Кирил и Методиј од Иловица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.