Костадинов: Куклиш добива современ Дом на кулутра за сите генерации кој треба да биде готов за околу пет месеци

255

Градоначалникот Костадин Костадинов со своите соработници и членови на Советот на општина Струмица денеска изврши увид во градежните работи од втората фаза  на изградбата на Домот на културата во населеното место Куклиш. Задоволен од работата, тој потенцираше дека за да има активни села, мора власта да  им обезбеди услови за функционирање во сите области.

,,Куклиш е едно од населените места со најактивно културно уметничко друштво „Браќа Минкови” кое пред 2 години прослави 50 години од постоењето и село кое продуцира познати имиња со кои сите се гордееме, а меѓу нив е и познатиот македонски актер Борче Начев, којшто својата кариера ја започнал токму во Домот на културата во Куклиш. Едно од најголемите барања на жителите од Куклиш беше обнова на опожарениот Дом на културата во 2013 година. Им дадов збор за нов Дом и денес тој е во втора фаза на реализација, од како првата фаза заврши со карабина во вредност од 9 милиони денари, и во неа се работи на поставување на кровот, на електричната и водоводната инсталација и преградување на ѕидовите. Куклиш добива современ и достоинствен Дом за сите генерации кој ако не послужат временските услови треба да биде готов за околу 5 месеци, рече Костадинов.

Тој најави дека оваа година ќе се руши постоечкиот стар и руиниран Дом на културата во селото Банско и на барање на жителите, особено на турската заедница, којашто му е особено важна и драга, и на негово место ќе се изгради убав и голем парк.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.