Костадинов: Апелирам граѓаните да не ги затрупуваат каналите, бидејќи при пороен дожд може да имаме поплава

84

Градоначалникот на Струмица Костадин Костадинов апелираше до жителите на општината да не ги затрупуваат каналите, посебно во населените места бидејки добар дел од каналите се затрупени со земја или со отпад, па при поројни дождови може да предизвикаат поплави.

,,Имаше поплавување во неколку населени места предизвикано од неисчистени одводни канали и затворени канали покрај улици и патишта. Ние ќе излеземе и ќе ги исчистиме, но, апелирам до граѓаните да не ги покриваат и затрупуваат каналите со земја, бидејќи треба само еднаш да ни се случи таков пороен дожд како вчера и да имаме поплава,,  изјави Костадинов кој апелираше до граѓаните кои имаат посериозни штети  да ги контактираат општинските служби

Вчерашното невреме кое го зафати Струмичко во попадневните часови беа поплавени повеќе делови во долниот град на градот околу улицата „Младинска”, како и повеќе подруми, а силниот ветар урна и неколку дрвја

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.