Во рамките на вториот инвестициски оглас за доделување на државно земјоделско земјиште под закуп, МЗШВ ги објави локациите и големините на парцелите. Станува збор за парцели од над три хектари во катастарските општини Струмица, Валандово и Гевгелија за кои во зависност од големината и квалитетот на земјиштето министерството ги објави и почетните цени за јавно наддавање а понудите треба да се достават до 9 декември
Во Струмица ќе се доделува државно земјиште под закуп кај Баница и Сушево. Кај Баница станува збор за парцела од 14 хектари со намена за подигање на долгогодишни насади и изградба на објект за примарна обработка на земјоделски производи. Почетната цена за јавното наддавање изнесува 1 260 евра.
Државна земјоделска парцела се издава и кај Сушево во месноста ,,Дургут’’. Станува збор за парцела од околу 146 хектари за подигање на долгогодишни насади и изградба наобјект за примарна обработка на земјоделски производи. Почетна цена за јавно наддавање изразена во евра за целата целина изнесува 8 илјади и 814 евра
Во Валандово се издаваат парцели во месноста ,,Под Ано’’ со вкупна површина од околу 12,7 хектари за одгледување на други земјоделски културии и подигање на оранжерии со почетна цена од 1 527 евра. Исто така во ова општина се издаваат паррцели кај Терзели со вкупна површина од 9 хектари за подигање на долгогодишни насади-лозје и изградба на објект за примарна обработка на земјоделски производи при што почетната цена на јавното наддавање изнесува 557 евра
Државно земјоделско земјиште се издава и кај Ѓавато катастарска општина Гевгелија кај месноста викана ,,Парагонот’’. Станува збор за 31,7 хектари за одгледување на други земјоделски култури -компир и изградба на објект за примарна обработка на земјоделски производи со почетна цена за јавно наддавање 2 854 евра
Земјиштето ќе се доделува во времетраење од 30 години за подигање на долгогодишни насади (лозја и овоштарници) и оранжерии, до 70 години за подигање на долгогодишни насади со лешник, за период до 15 години за одгледување на други земјоделски култури .
Целосниот преглед и условите за закуп на државно земјоделско земиште по јавниот оглас на МЗШВ на следниов ЛИНК.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
