Келнерите од ,,Концепт’’ од Струмица најбрзи и највешти, третиот од ,,Де Факто’’ од Гевгелија ја донираше наградата

512

Горан Митев од кафе барот Концепт од Струмица е најбрзиот и највешт келнер на јубилејната десетта ,,Трка на келнери’’ во Струмица која се одржува во рамките на Струмица опен фест. Митев секоја година учествува на ова трка, но никогаш не бил прв на ова трка на која годинава учествуваа 16 келнери

,,Мора да бидеш искусен во носењето пијалоци но и да имаш среќа. Мора да внимаваш и на противникот односно да воочиш која неговата тактика’’ кажа победникот Митев кој доби парична награда од 15 илјади денари

Колегата на Митев, Дени Перов исто така од Концепт го освои второто место и доби награда од 12 илјади денари. Тој кажа дека треба во ова работа да се има брзина, пракса и стабилност.

Третопласиран на десетите по ред  ,,Трка на келнери’’ во Струмица  е Игор Стефановиќ од кафе барот Де Факто од Гевгелија кој истакна дека неговата награда од 9 илјади денари ќе ја отстапи за лекување на струмичанецот Томе Јанев

Четврти беше уште еден келнер на Концепт – Тимче Андонов, кој освои утешна парична награда од 3.000 денари а ваучерите на највештите келнери им ги додели градоначалникот на Струмица, Коста Јаневски.

фото Струмица Нет

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.