Казандол да се врати во првобитната состојба, бараат активистите откако Управен пресуди во корист на Владата

625

Управниот суд ја одби тужбата на компанијата „Сардич“ против одлуката на Владата еднострано да го раскине договорот за концесија на рудникот „Казандол“ близу Валандово, соопшти Владата. Управниот суд пресудил дека одлуката на Владата за раскин на договорот од март минатата година е законита.

„ Причините кои се сметаат за основани е тоа што концесионерот во рокот од две години до денот на доделувањето на концесијата во смисла на членот 13, став 1 од договорот, не ги исполнил обврските да изгради постројка за експлоатација на катоден бакар со капацитет да процесира најмалку 50 проценти од експлоатираната руда и после две години од почнување со експлоатација на вториот рудник да изгради фабрика за производство на финални производи од катоден бакар со капацитет најмалку еднаков на годишниот капацитет на постројката за експлоатација на катоден бакар“, соопштија од Владата.

Активистите против рудници сега бараат Казандол да се врати во првобитната состојба бидејки таму се поставени цевководи, изградени патишта, брани, преливници, канали но и монтажни објекти.

Парлалено како што објави МКД.МК компанија „Сардич“, на која Влaдата и ја одзеде концесијата за рудникот Казандол во Валандово бара отштета од 350 милиони евра од Македонија. Владата во спорот ја ангажирала адвокатската канцеларија „Вајт енд кејс“ од САД а целиот спор односно арбитражната постапка ќе се води пред Меѓународниот центар за инвестициски спорови во Вашингтон, САД.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.