Играч на Брера се сели во Украинскиот шампионат, клубот објави дека е остварен најголемиот трансфер досега

863

19 годишниот Димитар Трајков ќе стане нов играч на ФК ,,Полисја“ од Житомир Украинa. Тој во украинскиот суперлигаш ќе му се приклучи на 1 јули за преодниот рок и стартот на подготовките за новата сезона. Клупскиот сајт објави дека Трајков денеска откако успешно ги завршил медицинските прегледи  и го потпишал преддоговорот со новиот клуб и за неговото преминување во Полисја, Брера ќе добие рекордно обештетување од постоењето на клубот

,, Му честитам на Димитар Трајков, честитки и до ,,Полисја“ што ќе добие квалитетен играч за во иднина. Паралалено и честитки и за рекордниот трансфер на клубот и сите луѓе од Академија Пандев Брера кои со својата работа помагаат на нашите млади играчи да бидат подобри и направат нови чекори во своите кариери. На лице место се уверив дека „Полисја“ е сериозен клуб со сериозен систем на работа и импозантен спортски центар чија изградба привршува и ќе биде готов наскоро. Наша цел е и понатаму да бидеме расадник на млади играчи,  да ги изградиме како спортисти на најдобар можен начин и да им помогнеме во кариерата. Со системска работа ќе дојдеме до уште подобри резултати во идина и однапред се радувам на летниот преоден рок и новата сеозна“, потенцираше генералниот директор на ФК Брера Струмица Јован Симиќ кој заедно со Димитар се во Украина

Трајков кој ова сезона има 22 настапи за зеленоцрните смета дека Полисја е одличен клуб за неговата кариера и ќе даде се од себе да ги оправда очекувањата на челниците на украинскиот суперлигаш

,, Среќен сум што станувам нов играч на „Полисја“. Во овие три дена се уверив дека овој клуб е вистинскиот за продолжување на мојата кариера и дека овде сериозно ќе сметаат на мене во иднина. Но сепак, се зависи лично од мене. Јас сум подготовен  да работам многу повеќе и да го дадам максимумот за новиот клуб.  Благодарен сум на Горан Пандев и сите луѓе од ФК Брера Струмица за убавите поминати години во Струмица“, вели Димитар Трајков

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.