За 9 месеци треба да биде готов Градскиот пазар во Радовиш вреден околу 2 милиони евра (ВИДЕО)

1519

Отпочна изградбата на Градскиот пазар во Радовиш кој ќе биде на сегашната локација на зелениот пазар во центарот на градот. Освен зелен пазар според најавите на оваа локација  ќе има и деловни простории како и катна гаража. Првиот човек на општината Ацо Ристов го означи стартот на градежните работи за овој капитален проект вреден  114 милиони и 69 илјади денари или околу 1,9 милиони евра. Пазарот ќе го гради Фабрика Карпош АД Скопје кој на распишаниот тендер во конкуренција на уште две фирми достави најниска цена.

,, Градски пазар“ Радовиш, според идејното решение треба да биде на околу 3 500 квадратни метри од кои, околу половина треба да биде зелениот пазар а останатиот дел  деловен простор но и поголеми деловни простории како дуќани. Паралелно се планира и катна гаража од околу 100 паркинг места.

,, После толку години напори, проектиравме нов пазар во Радовиш. Тоа е капитална инвестиција. Тој ќе биде на површина од околу 3,5 илјади  квадратни метри. Ќе има зелен пазар, деловни простории но и катна гаража. Во иднина овде земјоделците ќе можат во уреден простор да ги продаваат земјоделските производи. Предвидениот рок за изградба е од 6 до 9 месеци и ова капитална инвестиција ќе го потикне и локалниот економски развој,, кажа градоначалникот Ристов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.