Заради ,,Ицката од Босилово” Џамбазов прогласен за почесен жител на општината – падна идеја да се подигне споменик за Ицката

779

Заради промоцијата на општина Босилово со неговата хумореска ,, Ицката од Босилово” при неговите настапи Игор Џамбазов е прогласен за почесен граѓанин н аопштина Босилово. Плакетата му ја врачи градоначалникот на ова општина Зоран Зимбаков кој подвлече дека ова е прва плакета кому општината му доделува плакета почесен граѓанин, пракса што ќе продолжи и во иднина за други промотори на ова општина

,, Ова е прва плакета што воопшто  општина Босилово ја доделува некој. идејата да ја добие Џамбазов ова плакета е заради неговата хумореска ,,Ицката од Босилово” со која не промовираше не само во државата туку и преку интернет насекаде во светот” рече градоначалникот Зимбаков

Македонскиот актер, пејач и шоумен Џамбазов се заблагодари на вниманието што му го посвети општината и како што рече заедно со градоначалникот Зимбаков ќе работат ,,Ицката од Босилово” да стане туристичка атракција.

,, Сакам да се изгради споменик за ,,Ицката од Босилово” како симболика на просечен македонец во овој транзиционен период, земјоделец со проблеми и желби, каде би се одржувале ноќи на хуморот, шегата, сатирата и би се раскажувале вицеви каде централна фигура ќе биде легендарниот Ицка,, рече Џамбазов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.