Довчерашниот премиер а сега лидер на СДСМ, Зоран Заев од родната Струмица очекува дека новите министри и заменици предложени од опозицијата во наредниот период ќе работат совесно, солидно и професионално за да може да се организираат слободни фер и демократски избори кои и доликуваат на држава која е членка а НАТО но и држава која е во исчекување на почеток на преговори со ЕУ. Тој со сопругата Зорица, присуствуваше на хуманитарниот Божиќен базар на СДСМ во Струмица каде преку продажба на сувенири и храна се собираа парични средства за да им се помогне на семејства на кои им е неопходна помош.
,,Верувам дека новите министри на предлог од опозицијата ќе ја вршат својата работа совесно и солидно бидејки секој ден е важен, оти овој просперитет и прогрес треба да се искористи за да го унапредиме. Верувам дека професионално ќе ја извршуваат работата, бидејки будното око на јавноста е присутно, оти слободата и демократијата се вгнездени во нашата земја. Сите заедно треба да ги превземат своите права но и одговорности за организација на слободни фер и демократски изборите како што приличи на земја која е во исчекување на добие почеток на преговори за членство на ЕУ и членка на НАТО и верувам дека сите заедно тоа можеме да го постигнеме’’, рече Заев кој верува дека до распуштањето на парламентот ќе бидат донесени преостанатите 50 закони кои се во интерес на државата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
