Жителите од Старо Коњарево протестираа за да нема шумска сеча над селото, се плашат од нови свлечишта како во 2004 тата

511

Исплашени дека целосно ќе им биде соголена шумата над нивното село, жителите од струмичко Старо Коњарево кое се наоѓа до самиот граничен премин со Бугарија, излегоа на протест и побараа ЈП Македонски шуми да престане со изградба на шумскиот пат за сеча на огревно дрво од Беласица. Стравот го оправдуваат бидејки оваа село во 2004 тата беше најпогодено  кога од поројни дождови  имаше огромни свлечишта од планината Беласица и беа уништени повеќе куќипомошни простории а беше уништена и целата инфраструктура.

,, Само ние си знаеме како ни беше во 2004 тата кога цели ридови се симнаа во селото. Нема да дозволиме да се уништи шумскиот фонд на селото и да се случи ерозија на планината. Со самото пробивање може да дојде до загадување на изворот од каде се снабдуваме со вода за пиење. Згора на се со минирањето на патот неколку куќи се оштетени,, коментираа жителите од ова подбеласичко село

На протестот се појави и првиот човек на општина Ново Село Никола Андонов. Тој рече дека веќе ги алармирал шумските инспектори но и преставниците од ЈП Македонски шуми и дека стравот кај жителите на Старо Коњарево е оправдан после огромните штети во 2004 тата.

,,Оправдан е протестот бидејки сеуште се свежи сеќавањата  на жителите од 2004 тата кога овде имаше огромни штети. Како општина побаравме од шумските инспектори и кај Шумското стопанство да се прекине со пробивање на патот и да се бара алтернативно решение,, рече градоначалникот на општина Ново Село Никола Андонов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.