Жителите од Добрашинци, Висока и Нова Маала во општина Василево, ќе бидат обештетени од ланското јунско невреме

1994

Граѓаните од населените места Добрашинци, Висока Маала и Нова Маала кои претрпеа штети  од невремето што ги зафати овие населени места на 24 јуни минатата година, ќе бидат обештетени,објави општина Василево на својата официјална веб страна

Владата на РСМакедонија позитивно се произнесе по Извештајот на Општинската комисијата за процена на штета од елементарни непогоди и одобри средства за исплата  на штетите. Обештетувањето ќе биде во износ од 15% од проценетата штета.

Невремето од пороен дожд и град што на 24 јуни ги зафати населените места Добрашинци, Висока Маала и Нова Маала, предизвика големи штети на земјоделските култури. Заради утврдување на настанатата штета  општина Василево  формираше Комисија за процена на штетата, која на терен  вршеше проценка. Согласно Извештајот на Комисијата, кој во целост е прифатен од Владата на РСМакедонија, оштетени беа 134 земјоделци и еден правен субјект, а вкупната предизвикана штета е проценета  на 24 943 000 денари.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.