Љупче Дориев со хет трик во Узбекистанската Супер лига и стана лидер на листата на стрелци (ВИДЕО)

485

Струмичанецот Љупче Дориев стана еден од најефикасните фудбалери во Узбекистанската Супер лига, откако во последното коло со својот тим Согдијана против Бунјодкор постигна три гола. Со тоа тој стана вториот македонски играч кој постигнал хет трик во историјата на првенствата на Узбекистан откако во сезоната 2010 Ставица Ристиќ го направи тоа со тимот на Бунјодкор.

Со последните три гола, Дориев на своето конто има вкупно постигнато осум гола од исто толку натпревари за Согдијана за која настапува од минатото лето  и заедно со напаѓачот на „Навбахор“ – Тома Табатадзе е на првото место во трката на стрелците. Тимот на Дориев по 9 првенствени кола се наоѓа во горниот дел од табелата или поконкретно на петата позиција заостанувајки два бода од лидерот Навбахор.

Љупче Дориев пред да замине во Узбекистан настапуваше за тетовска Шкендија. Претходноза екипите на Хоризонт Турново и Академија Пандев.  Токму во дресот на струмичкиот прволигаш сега Брера Струмица, Дориев освои КУП титула и за првпат беше повикан и во македонската репрезентација а своето деби го имаше на меч во Струмица .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.