Дискотеките но и рестораните за свадби може да работат со 50 отсто од капацитетот, од 15 ноември влез со двe вакцини

272

Согласно моменталната епидемиолошка состојба во државата, на предлог на Комисијата за заразни болести Владата на последната седница донесе одлука ноќните клубови и дискотеките да работат со 50 отсто од капацитетот на објектот. Согласно донесената одлука од 15 ноември влез во затворени објекти, кафулиња и трговски центри ќе биде дозволен само за вакцинирани лица со две дози или прележан ковид-19 во  изминатите 45 дена.

,,Се дозволува организирање и одржување на семинари, обуки, курсеви, состаноци, работилници, конференции и слично, во затворениот дел на објектите до 50% исполнетост од капацитетот на просторот. Се дозволува работа на барови и ноќни клубови – дискотеки, како и на угостителските објекти кои се регистрирани за прослави (веселби, свадби, родендени, крштевки и слично) во затворениот дел на објектите до 50% исполнетост од капацитетот на просторот“, велат од Владата

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.