Дечиња од ООУ „Никола Вапцаров“ во посета на ФК Брера Струмица – се интересирале како да станат познати фудбалери ! (фото)

235

Околу 150 ученици од ООУ ,,Никола Вапцаров“ од Струмица денеска беа во посета на ФК „Брера Струмица“  и се информирале како функционира клубот но и како тече еден ден на фудбалерите. Според објавената информација од клубот, дечињата се дружеле со фудбалерите од првиот тим, тренерите, се интересирале за фудбалската професија, за тренажниот процес а пред се како да станат славни и познати фудбалери. Станува збор за дечиња од второ и петто одделение при ООУ „Никола Вапцаров“ од Струмица

,,Како клуб секогаш сме отворени да ја презентираме нашата работа а посебно сме горди што не посетија дечиња кои за првпат имаа шанса одблиску да се запознаат како изгледа работата на фудбалерите и што се е потребно да се биде успешен спортист. Задоволството е големо што голем број дечиња покажаа интерес да се запишат во нашите школи што преставува дополнителна мотивација за нас да опстоиме на курсот за сплотување со средината и градење квалитетени фудбалери“, стои во информацијата од ФК Брера Струмица

Фудбалерите на струмичкиот прволигаш како домаќини освен што се фотографирале со дечињата, ја презентирале салата за загревање, салата за консултации, за подготовка пред натпревари. На тој начин ја пренеле фудбалската магија со другарство, насмевки и позитивна енергија.  Дечињата можеле и директно да се запознаат со справите и опремата која ја има во СЦ Пандев.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.